Það er ekkert leiðinlegra en að sitja með vinum og fjölskyldu í einhverju boði eða samkvæmi og nánast allir sitja í sínum eigin heimi í símanum sínum. Maður myndi ekki koma með spjaldtölvu eða fartölvu með sér í boð og það sama ætti að gilda fyrir símana.
Ég tók eftir þessari skemmtilegu auglýsingu á netinu frá Víking jólabjór en þarna er verið að minna fólk á að „masa“ meira saman og geyma símana rétt á meðan, en það er búið að skera út í botninn á glasinu svo síminn kemst þar undir og heldur glasinu frá því að detta á hliðina. Í raun ættu svona glös að vera til á hverju heimili.
Ef þig langar að prófa svona glas í kvöld ættirðu að kíkja á Bunk barinn og biðja um Víking jólabjór í masglasi. Góða skemmtun!
[facebook_embedded_post href=”https://www.facebook.com/vikingbrewery/videos/vb.47605300604/10153634653875605/?type=2&theater”]
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
