Hver elskar ekki eplapæ ? Hvað með eplapæ í epli ?
Þessi nammiepli eru góð sem dessert eða sem hliðardiskur á kvöldmatarborðið.
Fljótlegt og rosalega gott – þegar við eigum gott skilið.
2 rauð epli
1 msk kókosolía
1-2 msk valhnetur
1 msk kókosmjólk (hægt að nota venjulega mjólk)
1 msk kasjúsmjör frá H-berg
2 tsk Hunan
1 msk rúsínur
5-6 döðlur, steinhreinsaðar
1 tsk kanill
Smá herbamare salt
1 msk möndlumjöl
Aðferð
1. Skolið eplin og skerið hring eða kassa efst í þau – pillið lokið af með hníf og hreinsið innan úr eplunum.
2. Hitið kókosolíu á pönnu þar til hún er orðin vel heit.
3. Saxið valhneturnar og látið á pönnuna ásamt innihaldinu úr eplunum. Steikið saman í 3-5 mínútur.
4. Bætið kókosmjólk, kasjúsmjöri og hunangi við og steikið áfram í nokkrar mínútur.
5. Í lokin bætið þið við rúsínum, döðlum, kanil, smá salti og möndlumjöli – látið malla á lágum hita í smástund.
6. Takið fram eplin og fyllið með gumsinu.
7. Bakið eplin við 170 gráður í 20-30 mínútur
Birna er tvítug Reykjavíkurmær. Hún er stúdent frá Verzlunarskóla Íslands og hefur mikinn áhuga á mataræði og heilbrigðum lífsstíl. Birna stundar Boot Camp, hlaup og lyftingar af kappi. Hún er dugleg að takast á við krefjandi áskoranir og leika lausum hala utan þægindarammans. Hvort sem það er utanvegahlaup, kraftlyftingar, þrekkeppnir eða annað í þeim dúr. Birna mun deila uppskriftum úr eigin tilraunaeldhúsi með lesendum Hún.is ásamt því að skrifa skemmtilega og upplífgandi pistla er snúa að heilbrigðum lífsstíl og sjálfsrækt.
