Tímaritið Star magazine greinir frá því að Angelina Jolie og Brad Pitt eigi von á sínu sjöunda barni. Angelina og Brad eiga stóra fjölskyldu en þau eiga fyrir börnin, Maddox (11), Pax (9), Zahara (8), Shiloh (6) & svo tvíburana Knox og Vivienne (5).
Heimildarmaður Star magazine segir að Angelina hafi talað um að hana langi í annað barn í nokkur ár en Brad hafi reynt að telja hana af því vegna of mikilla anna hjá parinu.
Undanfarið hefur Angelina haldið sig að mestu frá sviðsljósinu og það á að vera vegna mikillar ógleði undanfarna mánuði, en parið hefur ekki viljað að fjölmiðlar kæmust á snoðir um óléttuna strax. OK! magazine greinir frá því að Angelina sé komin 3 mánuði á leið svo það ætti að fara að sjást á henni.
OK! greinir einnig frá því að Angelina sé viss um að hún eigi von á strák og Shiloh dóttir hennar sé harðákveðin í því að skíra hann John.
Er Angelina ólétt?
Ætli Angelina sé ólétt? eða gæti verið að fjölmiðlar vestanhafs séu að búa þetta allt saman til? annað eins hefur nú skeð!
Það kæmi þó engum á óvart ef Angelina væri ófrísk þar sem hún á fyrir 6 börn og hefur sjaldan látið neitt stoppa sig.
