Í bókinni “Fyrirboðar, tákn og draumaráðningar” eftir Símon Jón Jóhannsson sem kom út hjá Veröld árið 2007 segir meðal annars um kaffi og kaffidrykkju:
* Sá sem lætur rjómann í kaffið á undan sykrinum giftist ekki næstu 7 árin.
* Þeir sem drekka mikið kaffi verða geðvondir.
* Þegar kaffibolli dettur og brotnar er von á gesti. Brotni bollinn ekki, verður þeim sem missti hann boðið í brúðkaup áður en langt um líður.
* Þeir sem fá óvart “þrælapar”, ósamstæðan bolla og undirskál, giftast tvisvar eða halda framhjá.
* Sá sem biður um hálfan bolla af kaffi í viðbót en fær fullan, hann giftist ekki.
* Þeir sem biðja um hálfan bolla og fá hann, gifta sig áður en langt um líður.
* Að sjá kaffi eða kaffibaunir í draumi boðar óhamingju. Kaffi með brauði er þó sagt fyrirboði um góðan afla.
* Dreymi menn að þeir kaupi sér kaffi eða mat á kaffihúsi er það góðs viti. Allt mun ganga velá öllum sviðum.
Ragna er miðborgarbarn sem elti ástina til útgerðarparadísarinnar Grindavík. Þó að ástin hafi yfirgefið hana hefur hún enn óbilandi trú og áhuga á fólki, ástinni og lífinu og tilverunni.
