Mér finnst rosalega gott að borða og það er einstaklega gaman að fara eitthvað út að borða. Ég fór nýverið út með vinkonum mínum á nýjan stað sem vakti athygli mína. Staðurinn heitir Pylsa eða Pulsa og er staddur á Hlemmur Square.
Eins og nafnið gefur til kynna eru pylsur í aðalhlutverki á staðnum en þær eru samt settar fram á frumlegan og spennandi hátt.
Við ákváðum því að skella okkur á staðinn, vinkonurnar og prófa eitthvað annað en þetta sama alltaf hreint.
Á staðnum er allskonar tegundir af pylsum sem voru allar ótrúlega girnilegar en við prófuðum allar mismunandi rétti. Ein fékk sér þessa flottu nautapylsu, ein fisk og ein hamborgara. Það geta semsagt allir fengið eitthvað við sitt hæfi.
Meðlætið með þessu öllu var bragðgott og vel heppnað.
Hamborgarinn var úr dýrindisnautakjöti og var mjúkur undir tönn
Fiskurinn var líka frábær og greinilega ekki langt síðan hann var veiddur
Við fengum okkur svo allar súkkulaðiköku í eftirrétt sem bráðnaði í munninum.
Þjónninn okkar þetta kvöldið var algjörlega yndislegur og vildi allt fyrir okkur gera og það gerði kvöldið sérstaklega eftirminnilegt.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
