Fjórða Dorma verslunin opnar á Smáratorgi á laugardaginn klukkan 10.00 en fyrir má finna verslanir á Akureyri, Ísafirði og í Holtagörðum. Í verslunum Dorma er lögð áhersla á úrval heilsurúma og rúmbúnaðs og eins má finna gott úrval af sófum og öðrum heimilisbúnaði á góðu verði.
„Við hönnun nýju verslunarinnar var að sjálfsögðu vandað til verks svo að upplifun viðskiptavina sé sem þægilegust og þeir njóti þess að velja vörur inn á heimilin sín. Það tókst mjög vel til og við hlökkum til að taka á móti fólki hér á laugardaginn,“ segir Svava Hólmarsdóttir, verslunarstjóri Dorma á Smáratorgi.
Fyrstu 50 viðskiptavinirnir sem mæta í náttfötum við opnun klukkan 10.00 fá að gjöf dúnsæng og kodda en þar að auki verður mikið um tilboð opnunarhelgina.
„Það er um að gera að fara bara ekkert úr náttfötunum að morgni laugardags og rúlla til okkar á Smáratorgið. Ég er viss um að þeir sem það gera eiga eftir að sofa mun betur aðfararnótt sunnudags,“ segir Svava.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
