Tónlistarmaðurinn Robin Thicke og nýja kærastan hans gátu ekki eytt öllu gamlárskvöldinu saman sökum aldurs hennar. April Love Geary sem er fyrirsæta er einungis 19 ára og er því ekki komin með aldur til að fara inn á skemmtistaði en í Bandaríkjunum er 21 árs aldurstakmark.
Robin og April fóru saman út að borða á hótelinu sem þau dvöldu á en um 23.30 um kvöldið fór söngvarinn ásamt vinum sínum á skemmtistaðinn Foxtail Nightclub þar sem hann flutti nokkur lög, meðal hið vinsæla lag Blurred Lines. April gat því miður ekki farið með þeim.
Hinn 37 ára gamli söngvari skildi í febrúar á síðasta ári við leikkonuna Paulu Patton en þau höfðu verið saman í 20 ár. Þau eiga saman strákinn Julian og eyddu því jólakvöldi saman fyrir son sinn.
Tengdar greinar:
Robin Thicke og nítján ára kærastan hans
Robin Thicke gerir „Óskýru línurnar“ ennþá verri.
Dúett Whitney Houston og Robin Thicke – myndband.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
