Ég hélt ég myndi upplifa fullnægingu þegar ég smakkaði þessa sósu fyrst, enda mikill aðdáandi hvítlauksins. Auðvitað var það í matarboði hjá Röggu mágkonu og ég er að segja ykkur þessi sósa er geggjuð með öllu!
Kjöt, fisk, pasta eiginlega bara oná brauð líka!
Mjög einföld að útbúa og unaður að borða.
Uppskrift:
1dós sýrður rjómi
2 dl majónes
2-4 hvítlauksrif
steinselja
salt
Aðferð:
Sýrður rjómi og majónes blandað saman. hvítlauksrif söxuð niður í smátt og hrærð út í ásamt saxaðri steinselju og dass af salti.
Sósan smökkuð til og bætt við hvítlauk ef þurfa þykir.
Svo er bara að njóta… er geggjuð með grillmat.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
