Sérstaklega fallegt, 219 fermetra einbýlishús við Súluhöfða í Mosfellsbæ. Í húsinu sem er á einni hæð eru fjögur svefnherbergi, arinstofa, rúmgott eldhús með útgengi út á verönd, helluögð plön og lóð til fyrirmyndar. Draumahús golfarans, við golfvöll Mosfellsbæjar, Hlíðarvöll.
Sjá einnig: Hús í Kópavogi með spa
Komið er inn í rúmgott anddyri með fataskáp og gestasnyrtingu.
Holið er miðjan í húsinu og þar er sjónvarpsaðstaða. Gólfefni í andyri, holi og eldhúsi eru flísar en Merbau parket á stofu og herbergjum, gólfhiti er í húsinu.
Gengið er niður tvær tröppur í stofuna og þar er fallegur arin og útgengi út á verönd en hátt er til lofts í holi og stofu.
Sjá einnig: Krúttleg lítil íbúð í miðborginni
Eldhúsið er mjög rúmgott og vel skipulagt, innrétting er með kirsuberjaáferð, mikið skápapláss og morgunverðarborð. Eldhúsið er með gashelluborði og innbyggðri uppþvottavél, einnig er pláss fyrir tvöfaldan ísskáp.
Herbergin eru fjögur, hjónasvítan er með glugga á tvær hliðar og útgengi út á hellulagða verönd, þar er fataherbergi. Baðherbergi er flísalagt með innréttingu, sturtuklefa og hornbaðkari.
Flísalagt vel skipulagt þvottahús, þar er einnig sér bakdyra inngangur. Úr þvottahúsi er gengið inn í bílskúr sem er 40,9 m2. Gangstétt og bílaplan eru hellulögð með hitalögn að hluta, glæsileg timburverönd er fyrir framan og til hliðar við húsið. Lóðin er frágengin og til fyrirmyndar.
Sjáð fleiri myndir af þessari glæsilegu eign:
Nánari upplýsingar veita; Gunnlaugur Þráinsson, s. 844 6447, gunnlaugur@fastborg.is og Úlfar Þór Davíðsson, s. 897 9030, ulfar@fastborg.is, löggiltur fasteignasali, BORG Fasteignasala.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
