Gwyneth Paltrow fjárfesti nýlega í Hustler, víðfrægum strippklúbb í Hollywood. Óttist eigi, Gwynteh hyggur ekki á nýjan starfsframa sem felur í sér að dansa fáklædd á súlu. Heldur ætlar hún sér að að umturna klúbbnum algjörlega og á hann að verða einkaklúbbur ríka og fræga fólksins. Eðlilega, af hverju ættu þau að hanga á klúbbum með sótsvörtum almúganum?
Sjá einnig: Martha Stewart segir Gwyneth Paltrow að halda kjafti
Gwyneth keypti klúbbinn ásamt viðskiptafélaga sínum, Gary Landsberg. Það verður ekki ókeypis að gerast meðlimur en áætlað er að tilvonandi meðlimir þurfi að reiða fram tæplega hálfa milljón árlega fyrir aðganginn. Og að sjálfsögðu fær ekki hver sem er aðgang að klúbbnum góða – það er ákveðið umsóknarferli og allar umsóknir þurfa að fara í gegnum Paltrow og hennar teymi.
Það er spurning hvort Jennifer Lawrence, núverandi kærasta Chris Martin, verði látin naga þröskuldinn.
Sjá einnig: Emily Blunt bauð Tom Cruise á strippbúllu!
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
