Það getur verið ótrúlega pirrandi þegar vaskur eða niðurfall stíflast og það er ekki til drullusokkur eða stíflueyðir. Þú þarft þó ekki að örvænta því það er hægt að búa til stíflueyði heima fyrir, úr einungis 2 efnum og soðnu vatni.
Það sem þú þarft er:
Hálfan dl af matarsóda
1 dl edik
Þú hellir þessu hvoru tveggja í niðurfallið og setur í það tappa og leyfir að bíða í 30 mínútur. Ef það er ekki til tappi í þetta niðurfall skaltu bara reyna að setja eitthvað annað yfir það. Það mun freyða og krauma í þessu.
Eftir 30 mínútur skaltu hita í hraðsuðukatlinum, fullan ketil af vatni og svo hellirðu sjóðandi heita vatninu í niðurfallið. Nú ætti stíflan að vera farin.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
