Leikkonan Nicole Kidman vill ólm stækka fjölskylduna sína en í nýlegu útvarpsviðtali sagðist hún vonast til að vera orðin ólétt.
Nicole var í viðtali á áströlsku útvarpsstöðinni Kiis 1065 á föstudaginn síðastliðinn þegar hún greindi frá þessum vonum sínum. Hún sagðist þó gera sér grein fyrir því að aldurinn gæti gert henni þetta erfitt fyrir.
I´m 47, it won´t happen.
Ungfrú Kidman ættleiddi á sínum tíma tvö börn með fyrrverandi eiginmanni sínum Tom Cruise þau Connor 19 ára og hina 21 eins gömlu Isabelle. Í dag er Kidman gift tónlistarmanninum Keith Urban og eiga þau saman tvær stúlkur, Sunday 6 ára og Faith 3 ára.
Þáttastjórnandinn Jackie O benti á það að að vinkona hennar hafi orðið ólétt 49 ára gömul sem gladdi Kidman mikið.
Amma Kidman eignaðist sitt síðasta barn einnig 49 ára gömul svo Kidman heldur enn í vonina þó hún viðurkenni að Keith yrði ekki jafn glaður yrði hún ólétt.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
