Nú vilja helstu slúðurmiðlar vestanhafs meina að hjónaband Angelinu Jolie og Brad Pitt sé að líða undir lok. En sögusagnir þess efnis hafa verið ansi háværar síðan í nóvember á síðasta ári.
Sagt er að þeirra nánustu óttist nú að allt verði búið áður en þau fagna pappírsbrúðkaupi sínu í ágúst næstkomandi. Samkvæmt þeim sem til þekkja hafa síðustu mánuðir, á heimili Pitt og spúsu hans, ekki verið neinn dans á rósum. Athygli vakti að Jolie mætti ein síns liðs á Critics’ Choice Awards um miðjan janúar. Það atvik var víst kornið sem fyllti mælinn, en Brad er sagður hafa neitað að fylgja eiginkonu sinni á hátíðina. Jennifer Aniston var einmitt stödd á sömu hátíð en Jolie kærir sig ekki um að mæta henni ein í myrkri. Nú eða á rauða dreglinum. Þetta orsakaði að allt fór endanlega í háaloft, Brad pakkaði í tösku og rauk á dyr.
Hjónin hafa verið saman í áratug og eiga hálft handboltalið af börnum.
Ég fylgist spennt með gangi mála, enda verið Team Aniston frá upphafi.
Tengdar greinar:
Fallegar myndir frá brúðkaupsdegi Angelinu Jolie og Brad Pitt
Brad Pitt skrifar ótrúlega fallega um konu sína – Þetta ættu allir að lesa!
Brad Pitt tekur myndir af Angelina Jolie – Persónulegar og einlægar myndir
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
