Eitt elsta ágreiningsmál milli manns og konu hlýtur að vera spurningin: „Af hverju ertu að horfa á rassinn á henni?” að ógleymdri hinni illgjörnu deilu: „Bíddu, er þessi gella flottari í bikiníi en ég?”
Svona í alvöru talað, það er ekkert einfalt að vera karlmaður, að láta glepjast af sjónrænu áreiti og að þurfa að útskýra fyrir afbrýðisamri unnustu að ekkert meira býr að baki áhorfinu annað en einföld og skammvinn aðdáun. Fyrirbærið hefur enda verið rannsakað í þaula, skilgreint, krufið til mergjar og skeggrætt æ ofan í æ. Vilji karlmenn hefðarmeyjar í stofunni en hórur í svefnherbergið? Er þeim manni sem starir á eftir konurössum treystandi til að sýna konu sinni tryggð i hjónabandinu?
Myndbandið hér að neðan tekur á spurningunum sem varpað er upp hér, svörin eru skemmtilega hnyttin og þó áhorfið taki nokkrar mínútur – er ræða fræðimannsins ekki einungis áhugaverð, heldur einnig nokkuð skörp.
Leggðu við hlustir – það er nokkuð til í þessu!
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
