Það hafa örugglega margir verið að fylgjast með Óskarsverðlaunahátíðinni í nótt, þó ég sjálf hafi verið langt frá því að vera vakandi. Ég er búin að skoða allskonar fréttir í dag um viðburðinn og hef tekið eftir að margir eru reiðir út í Hugh Grant vegna hegðunar hans í viðtali fyrir verðlaunaafhendinguna.
Ashley Graham er fyrirsæta og kynnir og tók hún viðtöl við margar stjörnur í partíinu fyrir Óskarsverðlaunaafhendinguna sjálfa. Hún spyr hann venjulegra spurninga eins og hvað honum finnist skemmtilegast við verðlaunahátíðina og hann segist ekki vita það, en segir svo að „allt mannkynið sér þarna,“ sem er náttúrulega alls ekki raunin. Svo segist hann ekkert sérstaklega spenntur yfir neinu sem átti að fara fram þarna og er bara á allan hátt leiðinlegur.
Takið endilega eftir svipnum á honum í lokin á viðtalinu.
Sjá einnig:
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
