Hugh Hefner, fyrrverandi eigandi Playboy, greiddi 75.000 dollara (11 milljónir) fyrir að vera grafinn í gröf við hlið Hollywood-stjörnunnar Marilyn Monroe, þrátt fyrir að þau hafi aldrei hist.
Þessi saga af Hefner og Marilyn Monroe er eiginlega lyginni líkast. Áður en Marilyn varð heimsfræg og skorti pening sat hún fyrir nakin hjá ljósmyndara. Hugh Hefner keypti þessar myndir sem Marilyn hafði gefið leyfi fyrir og birti þær síðar í Playboy tímariti sínu þegar Marilyn var orðin heimsfræg. Myndirnar birtust ekki bara í tímaritinu heldur var hún einnig á forsíðu blaðsins . Allt þetta gerðist án vitundar Monroe og þurfti hún meiri segja að kaupa blaðið til þess að sjá myndirnar af sjálfri sér.
Eftir allar sögurnar um Hugh Hefner eftir að hann lést ætti þetta ekki að koma neinum á óvart. Hefner lést í september 2017 og líkamsleifar hans voru grafnar í grafreit í Pierce Brothers Westwood Village Memorial Park kirkjugarðinum í Los Angeles. Við hliðin á honum er gröf Monroe, sem lést árið 1962 aðeins 36 ára að aldri. Hann virðist hafa undirbúið þetta og tekið þessa ákvörðun mörgum árum áður, eftir að hafa sagt við Los Angeles Times árið 2009: „Ég er trúi á örlög. Að eyða eilífðinni við hlið Marilyn er of ljúft til að láta það fram hjá sér fara.
Hann staðfesti einnig að hann hafi borgað 75.000 dollara eða 11 miljónir kr. fyrir grafreitinn við hliðin á Monroe, femínistum til mikillar gremju sem bentu á að Hefner hafi birt myndirnar af henni naktri án hennar samþykkis og án þess að borga henni krónu. Þegar hún samþykkti myndatökuna árið 1949 fékk hún aðeins borgað 50 dollara fyrir þær og bað ljósmyndarann um að reyna að taka þær á þann hátt að hún væri ekki auðþekkjanleg á myndunum. Hefner borgaði síðar 500 dollara fyrir þær og notaði sem forsíðu í fyrsta Playboy tímaritinu. Í bók um ævi Monroe á hún að hafa sagt: „Ég fékk aldrei einu sinni þakkir frá öllum þeim sem græddu milljónir á nektarmyndum af mér. „Ég þurfti meira að segja að kaupa eintak af tímaritinu til að sjá mig í því.
„Ég viðurkenndi að þessar myndir voru af mér. Stjórnendur Fox urðu hræddir og héldu að þetta myndi eyðileggja fyrir öllum kvikmyndum sem ég myndi birtast í og verða endalok kvikmyndaferils míns. „Auðvitað höfðu þeir rangt fyrir sér. „Aðdáendurnir og almenningur fögnuðu bara þegar ég viðurkenndi að þetta væri ég, og þetta dagatal og Playboy hjálpuðu í raun ferlinum mínum.
Útgáfa blaðsins þótti í fyrstu mikið hneyksli, en á endanum skaðaði það ekki feril Monroe og veldi Hugh Hefners rauk upp hæstu hæðir. Þrátt fyrir allt þetta hittust þau aldrei. Árið 2011 sagði Hefner við Piers Morgan: „Hún var í sama leiklistarskóla og bróður minn í New York. En raunin er sú að ég hitti hana aldrei. “Ég talaði einu sinni við hana í síma, en ég hitti hana aldrei. Hún var farin, því miður, áður en ég kom hingað til Kaliforníu.”
