Hülya (37) fæddist með fæðingargalla sem leggst á hendur og fætur. Það voru samt aðallega fæturnir sem urðu hennar stærsta áskorun í uppvextinum.
Þegar Hülya var 6 ára hafði hún farið í 21 aðgerð en þegar hún var 18 ára fékk hún blóðeitrun og læknarnir þurftu að taka fætur hennar. Hún þurfti því að læra að nota hjólastól og stoðtæki. Sjálf segir hún að stundum sé auðveldast bara að skríða um.
