Kate og Peter Hill höfðu lengi reynt að eignast barn, en í desember árið 2015 komu dætur þeirra tvær í heiminn. Kate greindist með PCOS árið 2006 og kom þá í ljós að hún var ekki að fá egglos sem skyldi.
Sjá einnig: PCOS – Fjölblöðrueggjastokka heilkenni: Leyndur sjúkdómur hjá mörgum konum
Hún ákvað að gangast undir frjósemismeðferð og varð ófrísk, ekki einu sinni, heldur tvisvar sinnum. Þetta fyrirbæri er afar sjaldgæft og eru aðeins 10 skráð atvik af slíkri meðgöngu skráð í heiminum. Þegar Kate var orðin ófrísk af einu barni, varð hún ófrísk aftur 10 dögum síðar. Það sem gerir tilfelli þeirra enn sérstakara, er að Kate og eiginmaður hennar stunduðu kynlíf aðeins einu sinni á þessu tímabili, sem þýðir að sæði hans lifði í heila 10 daga. Þar sem líkami Kate sleppti öðru eggi lausu nokkrum dögum síðar, hitti það sæðisfrumuna og úr var annað barn.
Meðgangan þeirra byrjaði þó með því að Kate varð ófrísk af tvíburum, en því miður dó annar þeirra snemma á meðgöngunni. Ef það barn hefði lifað, ættu þau Kate og Peter þríbura í dag.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
