Það kannast allir við að fá svona poka með vörum sem maður verslar. Oft í skókössum, ílátum og fleira.
Færri vita þó að er hægt að nota þetta í allskonar öðrum tilgangi. Athugaðu samt að ef þú ætlar að geyma þá, skaltu hafa þá í boxi þar sem börn ná ekki til.
Hér eru nokkrar leiðir til að nota Silica pokana:
- Þessir pokar eru oft í vítamínboxum og það er mælt með því að hafa þá í boxinu þangað til að vítamínin klárast. Svo geturðu haldið áfram að nota pokann eftir það.
- Haltu þurrmat og gæludýrafóðri fersku og stökku með því að setja einn svona pakka innan í ílátið sem maturinn er í.
- Settu nokkra svona poka þar sem þú þurrkar þvottinn þinn og inn í skápa ef þig grunar að nokkur raki sé eftir í þvottinum.
- Þú getur þurrkað blauta skó hraðar með því að setja nokkra svona poka ofan í þá.
- Ef það er raki í gluggum hjá þér er sniðugt að nota pokana. Þú getur límt þá innan á gluggarammann, en vertu viss um að litlar hendur nái ekki í þá.
- Ef síminn þinn blotnar er sniðugt að setja símann í lítinn poka með Silica pokum og leyfa því að vera yfir nótt að minnsta kosti.
- Þú getur varið mikilvæg skjöl, gamlar dagbækur, einkunnarspjöld og ljósmyndir með því að setja svona í kassann eða skápinn sem þú geymir gögnin í.
- Geymdu Silica poka með verkfærunum þínum svo þau ryðgi síður.
- Sniðugt er að hafa svona poka í lyfjaskápnum þínum til að lyfin endist betur.
- Ef þú setur nokkra svona poka innan í fram rúðuna á bílnum þínum minnkar það móðuna sem á það til að myndast inni í bílnum.
- Ef þú ert að fara heim frá útlöndum og nærð ekki að þurrka sundfötin fyrir brottför er sniðugt að setja þau í plastpoka með nokkrum svona pokum.
Sjá einnig:
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
