Lúsin lætur yfirleitt á sér kræla á haustin með tilheyrandi fjaðrafoki og hún getur verið lævís og lipur og fer ekki í manngreiningarálit þegar hún trítlar á milli hausa, þrátt fyrir að hafa verið sett í samhengi við sóðaskap og fátækt hér áður fyrr.
Eitt af þeim húsráðum sem gagnast hafa vel við lús er að nota ilmkjarnaolíur, edik og vatn. Ilmkjarnaolíur eru magnað fyrirbæri þ.e. ef þær eru 100% hreinar. Þær eru unnar úr jurtum með eimingu eða pressun svo úr verður samþjappað og kröftugt efni sem kallast ilmkjarni og er hann 100.000 sinnum kraftmeiri en sjálf jurtin.
Lúsablanda
Áburður
4 dr. Euculyptus radiata
2 dr. Lavender
2 dr. Geranium
2 msk kókosolía
Ilmkjarnaolíum blandað út í kókosolíuna og borið í hárið. Gott að setja plast yfir og láta standa í 30 mín.
Skol
4 dr. Euculyptus radiata
2 dr. Lavender
2 dr. Geranium
½ bolli lífærnt eplaedik
8 bollar volgt vatn
Til að skola hárið er sömu ilmkjarnolíum núna blandað út í ½ bolla af lífrænu eplaediki og 8 bollum af volgu vatni. Hrist vel saman og hárið skolað.
Fyrirbyggjandi
4-5 dropar Lavender ilmkjarnaolía
2 msk dl hreint alcohol
5 msk vatn
Blandað saman í litla glerflösku með úðara. Spreyjað í hárið eftir þörfum.
Þessi húsráð koma frá Young Living sem sérhæfir sig í framleiðslu á ilmkjarnaolíum.
Þóra er keramikhönnuður og starfar sem slíkur á vinnustofu sinni í Hafnarfirði ásamt pistlaskrifum og kennslu. Þóra reynir að tileinka sér umhverfisvæna mannasiði á sem flestum sviðum og notar t.d. sem náttúrulegust hráefni í hönnun sína. Hún hefur tekið þátt í fjölda sýninga bæði hér heima og ytra ásamt því að hafa komið að rekstri tengdum heilsu og hönnun.
