Myndbandið hér að ofan er ekki nýtt af nálinni, en það eru heilsutengd vandamál þeirra sem glíma við offitu ekki heldur. Þó sagan sé uppsuni einn og Jim, söguhetjan sjálf – fyrirfinnist ekki – er stuttmyndin Rewind the Future áhrifamikil frásögn sem á sér stoð í raunveruleikanum.
Sjá einnig: Matarfíkn veldur vítahring sjálfseyðingarhvatar, skammar og þunglyndis
Ætlunin er að vekja foreldra til vitundar (án þess þó að koma inn ónauðsynlegri sektarkennd vegna saklausra millibita) um mikilvægi þess að velja heilbrigðar venjur fyrir eigin börn. Hér er farið yfir æviskeið karlmanns sem endar á skurðarborði bráðagjörgæslu ríflega þrítugur að aldri eftir ævilangar, óheilbrigðar venjur og val á mat. Hjartaáfall í kjölfar áunninnar sykursýki völdum offitu er ekkert grín að eiga við og þannig má vel hindra þá hörmungarsögu sem segir hér að neðan með því einu að velja grænt og hollt fyrir börnin, strax á unga aldri.
Hvað ungur nemur gamall temur – veljum hollt fyrir börnin!
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
