Hvað vilja konur raunverulega? eru Playboy kanínurnar golddiggers?

Hugh Hefner hefur loksins (aftur) boðið Playboy kanínunni Crystal Harris að tölta inn kirkjugólfið. Það muna líklega margir eftir því þegar hún hætti með honum í fyrra og skildi gamla eftir með brotið hjarta (eða?)

Ég hef nú velt því örlítið fyrir mér hvað konum finnst aðlaðandi og rómantískt við hann Heff og ævintýralega kynlífssetrið hans. Er það afþví maðurinn er hin útbrunna stjarna kynlífsins, linur eins og hæna í búri í silkislopp og flauelsinniskóm og stendur ekki lengur?  Einhvernveginn hljómar þetta satt og rétt þegar rifjað er upp hvað Crystal Harris sagði þegar Hefner reyndi að koma hring á fingur hennar 2011. Hún sagði að hann hefði “klárað” á um það bil tveim sekúndum : “þá var ég laus, mér var létt, ég var laus!” og hún bætti við að hún hefði aldrei séð hann nakinn. Eitthvað hefur hún þó skipt um skoðun stelpan. Þetta hljómar bara eins og draumahjónaband, nær yfir allt sem konur þrá að fá hjá sínum manni, EÐA HVAÐ? til þess að hafa nú vaðið fyrir neðan mig gerði ég mínar eigin athuganir á netinu í þeirri tilraun að reyna að átta mig á hvað það er sem konur raunverulega vilja.

Eins og Kanye West, sagði einu sinni er alveg nauðsynlegt að gera kaupmála. “Maður þarf endilega að hafa kaupmála – af því að þegar hún drullast í burtu tekur hún helminginn”. Jahá. Maður þarf ekki að fara lengi um vefsíður sem hafa karlaréttindi að aðalmáli til að átta sig á að allar konur eru í raun gullgrafarahórur. Og þó að þær séu að þeirra sögn gullgrafarar verða þær ískaldar þegar þær eru nálægt karlaréttindabaráttumönnunum líklega af því að þessir herramenn eru vanfærir vegna meðlagsgreiðsla til að reiða fram fúlgur til að borga fyrir síðustu lýtaaðgerðir okkar. Hljómar þetta kunnuglega – elskurnar? Fástu ekkert um hvernig þú lítur út, gáfur þinar, manngæsku, kímnigáfu og fleira svoleiðis. Ef  þú ert búin að ná þér í typpi og eftirlaun hefur mamma áhuga á að fá fréttirnar.

Stigakenningin sem er sett fram á ótrúlega vinsælli og mjög svo vísindalegri síðu sýnir fram á að konur eru alteknar af þjóðfélagstöðunni – svo mjög að valdasnákurinn sem liðast um fyrir framan þær dáleiðir þær og þær breytast í rangeygða fávita.  Virðið bara fyrir ykkur hann Silvio Berlusconi gamla sem er trúlofaður 27 ára gamalli konu. Hann æltlar í slaginn- eins og ástfanginn unglingur ætlar hann að reyna fyrir sér með ástina og það þó hann þurfi  að borga   80,000 pund á dag vegna skilnaðar við eiginkonu # 2. Maður spyr nú bara: Hvað sér hún við hann? Fyrir nú utan það að hann er augljóslega fremsti elskhugi suðursins vegur þó líklega þyngra að allar líkur eru á að hann nái aftur völdum á Ítalíu sem virkar betur sem ástarlyf en full tunna af ostrum.

Hvort sem um stundargaman er að ræða eða kynlífssvall á Playboysetri hafa konur ótrúlega mikið dálæti á slæma stráknum. Maður þarf ekki að lesa lengi á sorasíðunum á netinu áður en maður rekst þar á dæmigerða kvörtun kvenhatarans: “Af hverju sækjast konur ekki eftir fínum gaur eins og  mér?” Aðrar síður á netinu leiða í ljós að þessir karlar  vafra um í þeim sora sem þeir hafa valið sér.

Crystal  Harris lætur eins og hún viti ekki um ástandið á Heff. Hún gefur manni alveg nýjan skilning á orðunum “happy ending” og útskifast með ágætiseinkunn frá alþjóðlegum skóla gullgrafara og við sem héldum út í hlýrakjólum hangandi á börum eða vöfruðum um netið í þeirri von að einhver veiklulegur, getulaus millinn tæki nú  eftir okkur lítum til hennar sem sigurtákns, hennar sem er  með pálmann í höndunum.

Auðvitað gæti verið að Harris sé að leika á okkur en það er ólíklegt þar eð metnaður hennar endurspeglar metnað milljarða kvenna um víða veröld.

Það sem af þessu má læra er þetta: Við verðum að flá ykkur, strákar þangað til við komumst yfir auð og völd ( konur stjórna einungis 1% af fjármagni heimsins, samkvæmt upplýsingum frá Alheimsbankanum (World Bank) svo að þið skulið bara hætta að væla.