Við höfum ótrúlega gaman að svona allskonar óhefðbundnum ráðum og skemmtilegheitum (jú það er orð). Ég gróf þetta upp á netinu og fann mig knúna til að deila þessu með ykkur. Ég ætla allavega að prófa þetta.
Þetta hljómar kannski eins og einhver vitleysa en þetta „trix“ á að láta þig fyllast af orku og lífi. Það eina sem þú þarft er ísmoli og nokkrar mínútur af tímanum þínum.
Sjá einnig: Húsráð: Vissir þú að það er hægt að nota kaffibolla til þess að brýna hníf?
Það er blettur neðst á höfuðkúpunni sem er kallað Feng Fu og þú getur séð hvar hann er á myndinni hér. Ef þú setur ísmola á þennan blett reglulega mun líkami þinn fá nýjan kraft og þér mun líða vel, fá aukna orku og finna fyrir aukinni gleði.
Hvað mun þetta gera:
- Bæta svefn
- Bæta meltinguna
- Laga höfuðverk
- Hjálpa til við að lækna kvef
- Lina verki vegna tannpínu
Hjálpar einnig við:
- Sjúkdómum í öndunarfærum
- Hjarta- og æðasjúkdómum
- Skjaldkirtilsvandamál
- Fyrirtíðaspennu
- Geðheilsu
Sjá einnig: Húsráð: Komdu í veg fyrir að glingrið þitt verði grænt
Hvernig á að gera þetta:
Liggðu á maganum og komdu ísmolanum fyrir. Hafðu hann á svæðinu í 20 mínútur. Þú getur annað hvort slakað á eða notað hárband til að halda honum þarna. Gerðu þetta reglulega í 2-3 daga. Gerðu þetta fyrst að morgni, á fastandi maga og svo á kvöldin fyrir svefn. Eftir um 30-40 sekúndur muntu finna fyrir hitatilfinningu á þessum bletti á höfðinu. Ef þú gerir þetta er þér lofað mikilli sælutilfinningu.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
