Nú nálgast sumarið eins og óð fluga og þá er nú komin tími á að draga fram grillið þrífa það upp og skella svo á það og njóta í botn.
Hér er kjúklingaréttur sem er meira en góður og svakalega mikið sumar í honum.
Uppskrift:
4 úrbeinuð kjúklingalæri
1 msk olía
1 tsk sítrónusafi
2 hvítlauksgeirar kramdir
Kryddblanda:
1tsk cummin fræ
2 tsk túmerik
2 tsk tandoori krydd
1/2 tsk cayenna pipar
1 tsk þurrkuð mynnta.
Aðferð:
Olíunni, sítrónusafinn og hvítlaukurinn blandað saman í skál/box/poka ( gott að nota ziplock poka). Kryddblöndunni bætt útí og svo kjúklingalærinn og öllu blandað vel saman. Passa að kjúklingalærin séu vel umlukin blöndunni, kjúklinurinn svo látin marenerast í blöndunni í nokkrar klukkustundir eða yfir nótt. Má marenerast alveg í 2 daga.
Besta bragðið fæst með því að grilla marineruð lærin á útigrilli ( kolagrill best en gasgrill gott líka) en annars má nota líka grill í bakarofni ofnin er þá hitaður á 200 gráður og kjúllinn inn í 30 mínútur eða þar til gegnum steiktur.
Þess má geta að þessi gæða uppskrift kemur úr nýju bókinni hennar Röggu eldað af ást og er sú bók enn fáanleg og allur ágóði rennur til félags umhyggju sem er félag langveikrabarna en nú þegar hafa samtökin tekið við gjöf að upphæð 1200.000 kr
Það má nálgast allar upplýsingar um bókina og góðgerðaverkefnið á facebooksíðunni rögguréttir
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
