Steinunn veiktist þann 16. október sl. 2024 hún byrjar á því að vera undanfarnar vikur á undan með mikla þreytu og lítið úthald og mikinn þrýsting í hálfu andlitinu og erfiðleika við tal og kyngingu og taugaverki. Fer á fimmtudeginum 17. október til heimilislæknis síns í Álaborg þar sem hún býr og er í námi. Hann sendir hana á bráðamóttöku því hún á erfitt með tal og að kyngja og verkir miklir. Er skoðuð á bráðamóttöku og síðan send heim með verkjastíla. Fer síðan aftur til heimilislæknisins á föstudeginum 18. október gat þá ekki talað né kyngt, læknirinn er ekki sáttur við þjónustu bráðamóttöku og sendir hana aftur þangað þar sem ákveðið var að setja hana í myndatöku en Steinunn gat ekki legið í tækinu vegna verkja og ekki verkjastillt áður. Teknar voru blóðprufur og seinnipartinn var henni tjáð af lækni að verkirnir og blóðprufurnar samræmdumst ekki að hún ætti ekki erindi þar og ætti að redda sér sjálf heim.
Eina málið í stöðunni var að fara til Dusseldorf þar sem hennar læknateymi er, en þeir björguðu henni 2021 þegar Íslenska heilbrigðiskerfið brást. En þá kom í ljós að hún var búin að vera með brjósklos í hálsi C5&C6 í þrjú ár sem þrýsti á mænu og fór hún í aðgerð þar sem sett var implant og fjölskyldan greiddi fyrir þá aðgerð en því miður erum við enn að eiga við kerfið á Íslandi til að fá þá aðgerð endurgreidda.
Við mægður hittumst á flugvellinum í Kaupmannahöfn og þaðan saman til Dusseldorf 20. október sl. tek ég eftir því að hægri fóturinn á henni er slappur en hún sagðist bara vera mjög þreytt. Þegar við mægður komum á Klíníkina í Dusseldorf var hún þar næstu þrjá daga í verkjastillingu og næringu í æð því hún hafði ekki borðað né kyngt í 6 daga. Læknirinn ákveður að senda hana í CT (sneiðmynd) 22. október og þá kemur í ljós daginn eftir greining að efsti hálsliður er að þrengja að æðinni sem fer í heilann og hjartað og blóðflæðið fer öfuga leið þ.e.a.s. að blóðið á að fara inn og síðan út en fer akkúrat öfugt hjá Steinunni. Ákveðið að hún leggist inn á spítalann geti ekki verið svona veik á hóteli lögð inn seinnipartinn 23. október, hennar læknir Doktor Schmitz heila-og taugaskurðlæknir sem skar hana við brjósklosi 2021 ákveður það í samráði við læknateymið. Skoðar hana þá og morguninn eftir 24. október og ákveður ef Steinunn samþykki verði gerð aðgerð þann dag hann mat stöðuna það alvarlega væri ekki hægt að bíða til 28. október en kom í ljós í aðgerðinni að þetta var farið að þrýsta á mænuna einnig. Eftir aðgerðina er Steinunn í verkjamóki í fjóra til fimm daga eftir það fer hún að ganga með sjúkraþjálfara og hún finnur hvernig líkaminn fer að slappast og fæturnir eru ekki alveg að fylgja eftir og því miður ágerðist þetta og héldu þeir að það væru komnar bólgur í heila vinstra megin og ákváðu að prófa 4 daga lyfjakúr við því en því miður ágerðust veikindin.
Steinunn fer svo að finna að með hverjum degi að hún verður kraftlausari og 7. nóvember fær hún algjört máttleysi í báðar fætur og hægri hendi, vegna skjótra viðbragða læknis hennar og teymisins ásamt ráðlegginga við prófessora við Háskólasjúkrahúsið í Dusseldorf var ákveðið að taka mænuvökva til rannsóknar og senda hana strax í blóðskimunarvél en það lá grunur um að ofnæmiskerfið væri að ráðast á taugaenda í taugakerfinu. Þann 9. nóvember byrjar hún síðan að fá krampa og fylgja vítiskvalir í fótunum og hægri hendi sem stífnar(spasmi). Hefur fengið marga krampa og svakaleg verkjaköst síðan og farið í hreinsun á blóði en alltaf eftir hreinsunina hefur máttur og hreyfing komið í fætur og hendur og verkir fara. Grunur er um Guillain-Barré-Syndrome(sjúkdóm) eða þungmálmar of miklir í líkamanum eða hóstarkirtill(Thymus) en enn er verið að bíða eftir endanlegum niðurstöðum rannsókna. Steinunn ákvað að koma hingað til að fá meðferð við verkjunum í hálsi og hennar áætlun var að það tæki kannski 3 til 5 daga, en svo hefur komið upp mun alvarlegra ástand sem áður hefur verið lýst. Aðgerðin var mjög kostnaðarsöm og var greidd ásamt öðrum kostnaði frá 23. október til 31. október með hjálp yndislegs fólk sem seint verður þakkað hér.
Nú er kominn hár reikningur fyrir dvöl frá 1. nóvember og áætlaður til 26. nóvember upp á kr. 34.374.78 evrur eða um 5,2 miljónir tæpar sem fjármálastjóri tjáði mér seinnipartinn í gær 19. nóvember að þyrfti að borga fyrir 1. desember nk. Ferðakostnaður Steinunnar og uppihald á hóteli fyrir spítalavistina er ekki inn í þessari upphæð og jafnvel kemur meiri kostnaður ef hún dvelur lengur sem læknarnir eiga alveg eins von á. Mesti kostnaðarliðurinn á þessum háa reikningi er rosalega kostnaðarsamt að vera í blóðskilunarvélinni en hún bjargaði lífi hennar á réttum tímapunkti og ef það hefði ekki verið fyrir skjót viðbrögð læknateymisins væri hún ekki hér í dag.
Við fjölskylda Steinunnar höfum því ákveðið, með hennar samþykki að fara af stað með söfnun fyrir hana og höfum stofnað styrktarreikning á hennar nafni.
Við þökkum öllum innilega
Ef einhverjar spurningar vakna varðandi söfnunina þá má endilega hafa samband við:
Sólveig Erlingsdóttir: solveigerlings@gmail.com sími: 6910123
Indíana Einarsdóttir: indianaeinars@gmail.com sími: 7794656
Anna Soffía Sigurlaugsdóttir: annass@bolungarvik.is sími: 8633898
Fyrir hönd fjölskyldunnar
Pálína Kristín Garðarsdóttir Endilega deila á Facebook!
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
