Heimasíðan sexyiceland.com er íslensk síða sem er hugsanlega gerð í þeim tilgangi að fólk finni sér kynlífsfélaga en það virðist vera nýjung hjá þeim að auglýsa eftir djörfum, kynferðislegum myndum af konum. Það eru meðal annars auglýsingar þar sem einstaklingar eða pör óska eftir að fá fólk til að stunda kynlífsathafnir með sér. Aðstandendur vefsins hafa þetta að segja um vefinn: “Sexy Iceland er nýr samskiptavefur fyrir gagn- og samkynhneigða einstaklinga, pör/hjón, áhugafólk um makaskipti, polyamory, BDSM og annarskonar “alternative lifestlyes”, sem og alla aðra sem leita nýrra kynna með spjall, vináttu, rómantík eða skyndikynni í huga”.
Ein auglýsing á síðunni hljómar svo:
Vændi ekki leyfilegt á síðunni
Síðan Sexy Iceland hefur gefið það út að vændi sé ekki leyfilegt á síðunni og eigandi síðunnar segist hafa lokað aðgangi konu sem reyndi að selja erotískt nudd. Maðurinn skrifar undir nafninu Jens og segir hann að erlendar vændiskonur hafi reynt að selja þjónustu sína á síðunni en aðstandendur síðunnar hafi verið fljótir að loka aðgangi þeirra.
Auglýsa eftir djörfum en smekklegum myndum af íslenskum kynþokkafullum konum á aldrinum 20-40 ára – “Andlit þarf ekki að sjást”
Eftirfarandi auglýsing birtist á síðunni:
Sexy Iceland vill gjarnan kaupa djarfar en smekklegar ljósmyndir kynþokkafullra íslenskra kvenna, 20-40 ára.
Við greiðum 20-50 þúsund fyrir settið (meira um það neðar). Og við viljum helst kaupa myndir af “alvöru” íslenskum konum, amatör myndir, sem sýna þig í góðu ljósi en samt alveg eins og þú ert (stór, smá, feit, mjó og allt þar á milli, svona alveg eins og íslenskar konur eru).
Skilyrði er að þú, fallega og kynþokkafulla konan sem við kaupum myndirnar af, stofnir vandaðan prófíl utan um myndirnar þínar hér á Sexy Iceland og að þú sért áhugasöm um að taka í framhaldinu virkan (en óreglulegan, ef þú vilt) þátt í því samfélagi sem hér er að myndast.
Annað skilyrði er að staðfestingarmynd fylgi myndunum sem þú selur okkur. En staðfestingarmynd sannar að þú sért þú og að myndirnar sem þú ert að selja okkur séu teknar fyrir Sexy Iceland.
Andlit þarf ekki að sjást
Hafðu í huga að andlit þitt þarf ekki að sjást eða vera þekkjanlegt á staðfestingarmyndinni. Hins vegar er atriði að líkami þinn sjáist, enda er það tilgangur staðfestingarmyndar að sýna og sanna að líkaminn sem sést á staðfestingarmyndinni sé sá sami og sá líkami sem sést á öðrum myndum.
Hárkolla? Sólgleraugu?
Konur sem ekki vilja þekkjast en vilja samt sýna andlit sitt (það er einfaldara að taka slíkar myndir) bregða stundum á það ráð að setja á sig hárkollu og stór sólgleraugu eða annan dulbúning.
Síðan býður “veglegar” greiðslur fyrir myndir en þeir segjast borga 20-50 þúsund krónur fyrir settið en þeir segja að settið eigi að innihalda 10-50 ljósmyndir og þær eiga að vera “djarfar” og “kynþokkafullar”
Síðan auglýsir ekki eftir myndum af karlmönnum, þeir virðast bara vilja “djarfar” myndir af konum. Þeir vilja að konur sendi inn nokkrar “teaser” myndir sem eru heldur saklausari en inn í albúminu eiga svo að vera myndir sem eru djarfari, hvað svo sem það þýðir.
“Ath. að í hverju setti geta verið ein eða fleiri stakar myndir sem og ein eða fleiri seríur – en “seríur” eru samstæðar myndir sem sýna eitt ákveðið atvik en í tilfelli stakra mynda er bara ein (eða kannski tvær) myndir af sama atvikinu.” Maður spyr sig hvernig athafnir þetta eiga að vera?
Óska eftir því að konurnar séu í “heitum stellingum”
“Þú gætir t.d. verið allsnakin í saklausri stellingu, en þú gætir líka verið í einhverjum léttum fatnaði en í þannig stellingu að hitinn sé óumdeilanlegur og ótvíræður, þó ekkert sjáist í reynd. Eða eitthvað annað.” – Þetta er tekið beint úr auglýsingunni.
Síðan virðist einnig bjóða fólki upp á að kaupa upptökur af einhverskonar kynlífsathöfnum og býður fólki að senda slíkar upptökur inn. Þá birtast kynlífssögur og svo getur fólk hringt í ákveðið númer og hlustað.
Það virðist vera að einhverjir sendi myndir inn á síðuna en ef þú ferð í myndaalbúm síðunnar eru þónokkur læst albúm. Sum albúmin sýna eina mynd en svo þarf fólk að fá aðgang að albúminu til að sjá meira. Það eru þó nokkrar mjög grófar, kynferðislegar myndir notaðar sem forsíðumynd á einstaka albúmum, meðal annars myndir af kynfærum, fólki í kynferðislegum stellingum og nektarmyndir, það eru þó bara þær myndir sem allir geta séð, albúmin eru flest læst.
