Þessi pæja er alveg svakaleg bomba. Æðislega góð og slær alltaf í gegn. Hún kemur frá Matarlyst á Facebook og er birt með góðfúslegu leyfi þeirra.
Hráefni
400 g jarðaber
1 epli
1 msk sítrónusafi
2 msk flórsykur
1 msk maizena mjöl eða kartöflumjöl
100 g súkkulaði t.d suðu, rjóma eða toblerone
Aðferð
Hitið ofninn í 180 gráður og blástur. Skerið jarðarber í ca fernt, skerið eplið smátt niður, setjið í eldfast mót (ekki of stórt) gott er að smyrja formið að innan með smá olíu. Kreistið sítrónusafa yfir, blandið saman. Setjið flórsykur og maizena mjöl yfir blandið vel saman. Saxið niður suðusúkkulaði og sáldrið jafnt yfir formið. Útbúið „cruncy“ topp.
Cruncy toppur
Hráefni
200 g smjör við stofuhita
4 ½ dl hveiti
1 ½ dl haframjöl eða kókosmjöl
1 dl sykur
Aðferð
Setjið öll hráefnin saman í skál, vinnið saman í höndum þar til smjör(við stofuhita) hefur samlagast þurrefnum. Sáldrið deiginu jaft yfir formið. Bakið við 180 gráður og blástur í u.þ.b 40 mín. Berið fram með ís kjörís með súkkulaðibitum er mitt uppáhald og eða þeyttum rjóma.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
