Þau Blac Chyna og Robert Kardashian hafa mikið verið í fjölmiðlum liðna viku en svo virðist sem allt hafi farið í háaloft hjá Kardashian fjölskyldunni eftir að Chyna og Rob opinberuðu samband sitt.
Sjá einnig: Rob Kardashian er byrjaður með barnsmóður Tyga
Chyna er nefnilega fyrrverandi kærasta og barnsmóðir Tyga sem er kærasti Kylie Jenner, litlu systir Rob Kardashian. Kim Kardashian og Chyna voru einnig eitt sinn perluvinkonur en svo virðist sem það hafi slitnað upp úr því vinasambandi þegar Tyga fór að sýna Kylie áhuga.
Vikan endaði ekki vel hjá parinu en Chyna var handtekin á flugvellinum í Austin. Chyna var á leiðinni til London frá Los Angeles og millilenti flugvélin í Austin en þar endaði einnig ferðalagið fyrir Chyna þar sem hún var handtekin fyrir ölvun á almannafæri og fyrir það að vera með ólögleg efni á sér.
Sjá einnig: Vilja að Kris Jenner afneiti syni sínum
Vitni segja að Chyna hafi rifist við flugfreyjurnar og verið ofurölvi. Hún hafi komið um borð í vélina með látum og hreytt ljótum orðum í starfsfólkið.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
