Það er eitthvað við kanil sem ég elska. Lyktin og bragðið gerir bara eitthvað fyrir mig. Þessi kanillengja er frá Gotterí.is og ég svo klárlega að fara að gera þessa á næstunni!
Deig (dugar í 2 stórar kanillengjur)
- 160 gr smjör
- 600 ml mjólk
- 1 pk þurrger
- 1 kg hveiti (gæti þurft örlítið meira)
- 100 gr sykur
- ½ tsk salt
- 1 ½ tsk kardimommudropar
- Bræðið smjör og hitið mjólkina útí þar til ylvolgt.
- Blandið þurrgerinu saman við mjólkurblönduna og leyfið að standa í um 5 mín.
- Blandið öllum þurrefnunum saman og hnoðið saman við mjólkurblönduna (í litlum skömmtum).
- Blandið kardimommudropunum í deigið og hnoðið með króknum (ef notast er við hrærivél) á meðalhraða í um 5 mínútur.
- Deigið ætti að losna nokkurn veginn frá hliðunum. Ef það klístrast enn mikið, bætið þá um 50gr af hveiti til viðbótar saman við og hnoðið.
- Setjið smá matarolíu í skál og veltið deigkúlunni upp úr olíunni og plastið skálina. Látið hefast í klukkustund og þá ætti deigið að hafa tvöfaldað stærð sína.
- Hnoðið loftið úr deiginu og skiptið í 2 hluta. Fletjið hvorn um sig út á stærð við bökunarplötu (kannski örlítið minni).
- Smyrjið fyllingu á miðjuna (á 1/3 af deiginu) og myljið marsipanið yfir (uppskrift af fyllingu hér f.neðan).
- Skerið rákir sitthvoru megin við fyllinguna sem vísa niður og fléttið saman.
- Látið hefast að nýju í um 30 mínútur undir viskastykki.
- Penslið með eggi og bakið í 190°C heitum ofni í 18-20 mínútur.
Fylling
- 160 gr mjúkt smjör
- 210 gr sykur
- 3 msk kanill
- 2 msk vanillusykur
- 300 gr marsípan
- Allt hrært saman í skál nema marsípan og skipt í tvo hluta.
- Fyllingu er smurt á deighlutana tvo (sjá mynd) og marsípanið mulið yfir fyllinguna (150 gr á hvorn).
Glassúr
- 150 gr flórsykur
- 2 tsk vanilludropar
- 7-9 msk rjómi
- Allt hrært saman í skál.
- Sett i zip lock poka og lítið gat klippt á eitt hornið.
- Drisslið yfir kanillengjuna þegar hún hefur kólnað.
Einnig má sleppa því að setja glassúr ofan á og sömuleiðis fyrir þá sem það kjósa má sleppa því að setja marsípan inn í með fyllingunni.
Endilega smellið á „like“ á Facebook síðu Gotterís
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
