Þessir gömlu góðu, afar fljótlegt er að útbúa þessa. Þeir koma frá hinni hæfileikaríku Ragnheið Stefáns á Matarlyst.
Hráefni
500 g hveiti
125 g smjör
125 g sykur
2 tsk lyftiduft
½ tsk matarsódi
2 dl mjólk
1 egg
2 ½ tsk vanilludropar
Örlítil mjólk til að pensla yfir deigið
Kanilsykur til að sáldra yfir, magn eftir smekk
‐——————————————————
Aðferð
Hitið ofninn í 180 gráður og blástur. Setjið öll hráefnin í hrærivélaskálina hnoðið þar til komið er saman. Setjið hveiti á borðplötuna til að deigið festist ekki við, hnoðið örlitlu af hveiti saman við ef deigið er klístrað, fletjið út. Penslið deigið með mjólk sáldrið kanelsykri yfir rúllið upp og skerið niður. Leggið snúðana á bökunarpappír. Bakið við 180 gráður og blástur í 15-20 mín fer eftir ofnum þar til gullnir. Stundum er smellt glassúr á þessa.
Glassúr
Blandið þá saman flórsykri, bökunarkakó, vanilludropum, vatni eða uppáheltu kaffi. Snúðarnir geymast vel í frysti.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
