Eftir að Adidas sagði upp samstarfi við Kanye West eftir að hann hafði verið með fordóma gegn gyðingum hafa fyrrverandi starfsmenn Kanye sagt frá fleiri sláandi hlutum varðandi kappann. Þeir segja að Kanye hafi sýnt starfsfólk klám og nektarmyndir af Kim sem einhverskonar ógnarstjórnun.
Einn segir frá því að Kanye hafi sýnt honum nektarmynd af Kim þegar hann kom í atvinnuviðtal hjá honum árið 2018. „Konan mín sendi mér þetta bara,“ sagði Kanye við hann þegar hann sýndi honum „mjög afhjúpandi og persónulega“ mynd af Kim á símanum sínum.
Að minnsta kosti einn annar fyrrverandi starfsmaður er sagður muna eftir að Kanye sýndi honum mjög skýrt myndband af Kim, sem sótti um skilnað frá Kanye árið 2021.
Annar segir að Kanye hafi oft sýnt svona myndefni á vinnustaðnum hjá Adidas og það hafi nánast verið daglegt brauð. Segir hann að hann hafi upplifað að Kanye væri með þessu að reyna að þröngva einhverju trausti og trúnaði upp á hann, á milli þeirra tveggja.
Sjá einnig:
