Þessi dásemd er hrikalega góð í eftirrétt og það besta er að hún er mjög einföld þessi uppskrift eins og allt sem kemur frá minni elskulegu mágkonu Röggu.
Uppskrift:
5-6 peruhelmingar, ferskar eða úr dós
4 msk púðursykur
4msk Rice krispies
50 gr smjör
Aðferð:
Perur skornar í litla bita og settar í eldfast mót. Púðursykri og Rice krispies blandað saman og held svo yfir perubitana. smjörið skorið í litla teninga og sáldrað yfir blönduna.
Bakað við 200 gráður í 30 mínútur
Tilvalið að leyfa börnum að hjálpa til við þennan og njóta svo vel.
Geggjað að hafa ís eða rjóma on the side.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
