Þessi eðal súpa kemur frá henni Röggu mágkonu og er úr Rögguréttir 1 bókinni.
Geggjað góð súpa!
Uppskrift:
1 kjúklingur
3 hvítlauksrif
1 púrrulaukur
2 paprikur
1 askja rjómaostur ( þessi í bláu öskjunni)
1 flaska chillisósa frá Heinz
1 tsk svartur pipar
1 bolli vatn
1 peli rjómi
2 msk karrý
Aðferð:
Kjúklingurinn fulleldaður og brytjaður niður í smátt.
Hvítlaukur kreistur, púrrulaukur sneiddur og paprikur saxaðar í litla bita. Steikt saman í potti, við þetta bætist svo rjómaostur og chillisósa og allt kryddað með pipar.
Nú skal bæta öllum vökva útí pottinn, kryddað með karrýinu og bragðbætt með salt og pipar ef þarf.
Að lokum er kjúklingnum bætt út í og öllu leyft að malla saman í smá stund.
Sjá meira: Lágkolvetna hvítlauksbrauð
Gott að bera fram með góðu brauði.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
