Khloe Kardashian hefur nú sótt um skilnað við eiginmann sinn Lamar Odom í annað sinn. Hún hafði dregið skilnað sinn til baka eftir að hann tók of stóran skammt í október á síðasta ári, svo hún gæti tekið ákvarðanir fyrir hans hönd í veikindum hans.
Talið er að Khloe hafi ákveðið að gefa hjónabandið alveg upp á bátinn, eftir að Lamar byrjaði að drekka áfengi aftur. Khoe er bæði vonsvikin og sár yfir hegðun Lamar enn og aftur, vegna þess að hún lagði allt í sölurnar til þess að koma honum aftur á fæturnar eftir áfallið.
Sjá einnig: Lamar Odom: „Kanye bjargaði mér“
Heimildarmenn segja þó að Khloe hafi þó aldrei hætt almennilega við skilnaðinn, en hún segist sjálf ekki trúa á skilnað. Hún hafi þó þurft að taka ákvörðun fyrir sína eigin velferð, bæði andlega og líkamlega, en segir aftur á móti að hún hafi staðið við eið sinn við guð um að standa með honum til enda.
Sjá einnig: Er Lamar Odom byrjaður að drekka aftur?
Sjá einnig: Khloe segir okkur frá 6 uppáhalds snyrtivörum sínum
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
