Kim Kardashian er sennilega ekki afbrýðissöm út í mjög marga. Hún hefur það jú alveg afskaplega gott. Og væntalega sér hún ekki nokkra ástæðu til þess að öfunda einn eða neinn. Nema ofursvölu söngkonuna Rihönnu. En Rihanna hefur víst plagað Kimmie dálítið lengi. Og nú meira en nokkru sinni fyrr.
Sjá einnig: Kanye West tryllist við einkaþjálfara Kim Kardashian – Vill að hann hjálpi Kim að léttast
Kanye og Rihanna hafa verið vinir í háa herrans tíð og íhuga núna tónleikaferðalag saman. En þau gáfu nýlega út smellinn Four, Five Seconds, sem þau áætla nú að fylgja eftir.
Kim líst hins vegar ekkert á þær áætlanir. Og heimtar að Kanye haldi sig bara heima. Að sögn þeirra sem til þekkja, þá eru fáar konur sem ógna Kim á einhvern hátt – en Rihönnu virðist þó takast hið ómögulega.
Kim tekur ekki í mál að Kanye fari að ferðast um heiminn með henni. Kim og Kanye hafa tekið ófá rifrildi tengd söngkonunni og þau verða sennilega fleiri – svona ef Kanye setur hnefann í borðið og lætur Kim ekki stjórna því hvort hann fari á flakk með Rihönnu eður ei.
Sjá einnig: Kim Kardashian og Kanye West eru bara venjuleg eftir allt saman – Sjáðu myndina
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
