Hvað varð um gömlu góðu grindabotnsæfingarnar? Krem til að þrengja „hana“, hvað er nú það?
Það eru komin krem á markaðinn vestanhafs sem lofa konunni að geta þrengt „hana“ að neðan!
Kremið sem um er að ræða auglýsir undir þessu slagorði: „18 Again Vaginal Shrink Cream“ og er þér lofað að þú verðir eins og 18 ára þarna að niðri aftur og að allt verði eins og fyrsta skiptið fyrir þig (eins og sumar okkar kæri sig eitthvað um það).
Ein sem verslaði þetta krem á Amazon.com hafði þetta að segja:
„Mér líkaði varan mjög vel, en það eina sem angraði mig var lyktin sem kom þarna að neðan. Annars elska ég þetta krem“.
En hvað varð um gömlu og góðu, klassísku grindabotnsæfingarnar?
Við sem erum búnar að ganga í gegnum barnsburð er vinsamlegast bent á að vera duglegar að gera grindabotnsæfingar til að draga allt saman þarna niðri. Skildi það detta út ef þessi krem ná inn á markaðinn hér heima?
Þau eru nú ekki alslæm held ég, það eru nokkrir ljósir punktar við það:
– Það er leyfilegt að flytja þau inn til Bandaríkjanna.
– Það er Aloe í þeim.
– Góð meðmæli á Amazon.com
– Svaka gott krem sem lætur hana bólgna þarna niðri svo að hún virkar þrengri.
Mér persónulega finnst þetta ekki eðlileg þróun, en ef þú spáir í því að þetta er píkan þín og að þú getur sett hvað sem er inn í hana ef þér líkar það. Sumar okkar eiga sjálfsagt eftir að njóta þess að hafa hana örlítið þrengri á meðan samförum stendur en langar þig að setja Potassium Alum í klofið á þér, sem er almennt notað í svitalyktareyði? Jónurnar í þessari efnasamsetningu valda bólgum í húðfrumum svo að „hún“ verður þrengri.
Nei, ég ætla að halda mig við gömlu góðu æfingarnar og ef þú ert að vandræðast með það hvort þú ert að gera þessar æfingar rétt eður ei, kíktu þá á þennan link frá Doktor.is þar sem eru gefnar góðar leiðbeiningar.
Anna Birgis tók saman fyrir Heilsutorg
