Ófáir bíða útgáfu hátíðarmyndar Chanel með eftirvæntingu, en kvikmyndin verður frumsýnd við hátíðlega athöfn annað kvöld í Salzburg – þegar jólalína Chanel verður kynnt með pompi og prakt, en HÛN sýndi eftirminnilega brot úr ástarævintýri Lagerfeld í síðustu viku.
Því er við hæfi að renna augunum yfir vetrarlínu Lagerfeld þetta árið og sér í lagi er athyglisvert að greina hversu hlýleg, látlaus og klassísk línan er í ár. Ullarefni, bróderað mynstur, lágbotna skór og úfnir drengjakollar fóru stórum þegar línan var kynnt til leiks í júlí á þessu ári.
Silfraðir og logagylltir þræðir ofnir af kostgæfni í dúnmjúk og hlýleg ullarefnin, hárnákvæmur efnisskurðurinn og þægilega hlýlegar vetrarkápur, kvartbuxur undir fallega hringskornum pilsum og svo hinn klassíski Chanel jakki í allri sinni dýrð.
Þó fæstar okkar hafi efni á Chanel, er áhorfið sjálft draumkennt og þjónar sem þægilegur innblástur að vali á hátíðarkjólum sem buddan leyfir. Kvenleiki fer aldrei úr tísku.
CHANEL: Pharrell Williams og Cara Delevingne í hátíðarmyndinni Reincarnation
Tíu heitustu karlmódel allra tíma í myndum og máli
10 guðdómlegir brúðarkjólar að mati Vogue: Myndir
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
