Whitney hefur átt erfitt samband við mat frá því hún man eftir sér. Það var svo þegar hún fór að eiga börn sem hún missti alla stjórn á þyngd sinni. Þegar hún var sem þyngst var heilsa hennar mjög slæm og hreyfigeta í algjöru lágmarki. Það endaði með því að læknir hennar sagði við hana: „ég get ekki hjálpað þér“. Whitney sá að börnin hennar voru að taka upp hennar matarvenjur og hún og maðurinn hennar, Dylan, voru bæði of þung. Hún áttaði sig á því að til þess að breyta þessu yrði hún að byrja á að breyta sjálfri sér.
Whitney ráðfærði sig við sérfræðinga til að styrkja sig andlega og endurskoðaði mataræði sitt og lagði áherslu á að taka út kolvetni. Hún léttist um 27 kg áður en hún fór svo í magaminnkun árið 2022. Hún hefur nú misst 77 kg í viðbót og öll fjölskyldan hefur fylgt henni eftir.
