Anne Lebovitz, sem er fyrir löngu orðin heimsþekkt fyrir frumlegan og stórbrotinn ljósmyndastíl sinn, hryggbraut sjálfan Kanye West og Kim Kardashian á stóra daginn. Og Leibovitz skildi eftir sig sviðna jörð heilum 24 tímum fyrir brúðkaupið.
Anne, sem afboðaði komu sína á alsíðustu stundu, eyðilagði nær allt brúðkaupið að sögn Kanye, sem leysti frá skjóðunni á nýyfirstöðnum blaðamannafundi í á alþjóðlegri listahátíð sem haldin var í Cannes fyrr í þessari viku. Örvæntingin varð alger og vitstola brúðguminn fór hamförum til að finna nýjan ljósmyndara fyrir brúðkaupið, sem tókst svo að segja á ögurstundu en eftirmálar eru öllum kunnir: Myndirnar heppnuðust gríðarlega vel.
Kim hvíldist vart vegna áfallsins – brúðkaupsferðin fór fyrir lítið
Kanye sagðist svekktur og sár og að Leibovitz hefði nær tekist að afboða brúðkaupið með öllu, allt með óútreiknanlegri hegðan sinni. Hvað varðar ljósmyndina af brúðhjónum við rósavegginn víðfræga, sagði Kanye að sjálf brúðkaupsferðin hefði verið í molum vegna fjarveru Anne. Kim hefði verið úrvinda vegna áfallsins og hefði vart hvílst að lokinni athöfninni, að ferðalag þeirra til Írlands hefði haft yfir sér daufan ljóma og að bæði væru þau fullviss um að Anne hefði óttast nærveru stórstjarna.
“Let me tell you something about that kiss photo that my girl put up … This was pissing my girl off during the honeymoon; she was exhausted because we worked on the photo so much because Annie Leibovitz pulled out right before the wedding.
Um Annie hafði Kanye hins vegar þetta að segja:
“I think that she was, like, scared of the idea of celebrity.”
Kanye sagði þau Kim ekki hafa verið af baki dottin og að í sameiningu hefðu þau unnið sleitulaust að því að “líkja eftir stíl Leibovitz” nær alla brúðkaupsferðina og unnu þannig í nánu samstarfi að því að “skerpa lit rósaveggsins” í heila 70 tíma (að sögn Kanye) áður en myndin þótti birtingarhæf. Ef marka má orð Kanye vann Kim ljósmyndina sjálf frá grunni – en stúlkan sú virðist, þegar upp er staðið, búa yfir vandlega leyndri þekkingu á myndvinnsluforritum og stafrænni litablöndun.
Særð og eyðilögð glímdi Kim sjálf við myndvinnsluforrit í fjóra daga
Og Kanye sparaði ekki gífuryrðin á blaðamannafundinum en sagði stöðuna hafa ollið þeim hjónum sárum vonbrigðum og að ótrúlegt þætti að sá einstaklingur sem hefur flesta fylgjendur á Instagram skuli hafa þurft að sæta slíkri bið.
“Can you imagine telling someone who wants to just Instagram a photo, who’s the number one person on Instagram, ‘We need to work on the color of the flower wall … ?'”
Ekki hafa þau Kim og Kanye erfiðað til einskis, því yfir tvær milljónir notenda hafa þegar líkað við myndina og er það aðsóknarmet í sögu samskiptamiðilsins en engin ljósmynd hefur hlotið meiri athygli en einmitt fyrsti koss Kim og Kanye að lokninni athöfn.
Kanye stoltur: Segir listræna myndina hæfa Instagram vel
Og Kanye er hæstánægður í dag, en segir stórkostlegt að sú mynd sem hafi hlotið hvað mest lof og aðdáun á Instagram hafi verið unnin af þeim hjónum og aðstoðarfólki þeirra og að það eitt hljóti að vera sérstakt.
“The fact the number one most-liked photo [on Instagram] has a kind of aesthetic was a win for what the mission is, which is raising the palette.”
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
