Lögreglan í Rússlandi leitar nú allra leiða til að hafa uppi á bíræfnum líffæraræningjum sem að sögn erlendra miðla, rændu meðal annars rússneskri sápuóperustjörnu og skáru undan honum bæði eistun.
Tálbeitan ung og rennileg stúlka sem lofaði erótísku gufubaði
Sjónvarpsleikarinn, sem er þrítugur að aldri og rússneska pressan segir heita Dmitry Nikolaev, missti, að sögn lögreglu, tapaði báðum eistunum eftir að hafa setið að drykkju með ungri og rennilegri stúlku sem gaf sig á tal við Dmitry að lokinni leiksýningu í rússnesku leikhúsi í miðborg Moskvu.
Rankaði við sér á lestarstöð með skerandi sársauka milli fóta
Stúlkan, sem að sögn Dmitry, virtist tilkippileg og ákjósanlegur leikfélagi að hans mati, stakk upp á gufubaði eftir stuttlegt spjall og þrátt fyrir að leikarinn væri giftur, samþykkti hann að fara í gufubað með stúlkunni. Heimildir lögreglu herma að eftir lítilsháttar kossaflangs og örlítið meiri bjór, hafi Dmitry hins vegar misst meðvitund og ekki rankað við sér fyrr en sólarhring seinna; aleinn og yfirgefinn á lestarstöð – með skerandi verk milli fótleggjana og blóðbletti í buxunum.
Bæði eistun fjarlægð af fagmanneskju án nokkurra formála
Dmitry tókst að gera vart við sig og var fluttur með hraði á spítala þar sem í ljós kom að bæði eistu hans höfðu verið fjarlægð á listilega fimlegan máta; með kunnáttu og nákvæmni skurðlæknis. Lögregla telur þá einnig að Dmitry hafi verið byrluð ólyfjan og að stúlkan hafi verið tálbeita að störfum fyrir líffæragengi, sem augljóslega var á höttunum eftir eistum sápuóperuleikarans.
Sápuóperuleikarinn svo niðurlægður að hann sagði ekki eiginkonu sinni frá
Að sögn rússneska fréttamiðilsins Russia’s Life News óttast lögregla að líffæragengi herji á almenning með fyrrgreindum afleðingum en að líffærin gangi kaupum og sölum á svarta markaðinum. Sjálfur var sápuóperuleikarinn svo niðurlægður eftir atvikaröð að hann hafði ekki hugrekki til að greina eiginkonu sinni frá sannleikanum í fyrstu, en hann starfar nú sem talsetjari fyrir teiknimyndir barna í Rússlandi. Reynist frásögn rúsnesskra fjölmiðla rétt, er augljóst að aldrei er of varlega farið og að karlmenn verða líka fyrir barðinu á harðvígu kynferðisofbeldi – ekki síður en konur.
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
