Lykillinn að langlífi og góðri heilsu

Uppskriftin að þvílíkum gæðum er að finna á svonefndum Bláu svæðum en þau eru fimm í heiminum og dreifast nokkuð jafnt kringum miðbaug jarðarinnar. Þetta eru Okinawa eyjan í Japan, fjallahérað á Sardiníu, gríska eyjan Ikaría, Nicoya skaginn á Costa Rica og Sjöundi aðventistasöfnuðurinn í Loma Linda í Kaliforníu. Íbúar þessara svæða lifa lengur en aðrir og þar að auki við betri heilsu. Tíðni hjarta-og æðasjúkdóma er lægri, greind krabbamein færri, beinþynning sjaldgæfari. Lægri tíðni elliglapa og þunglyndis og öll almenn líkamleg heilsa og færni betri en annars staðar í heiminum.

Hér kemur uppskriftin!

Matarræði

Megnið af fæðunni kemur úr plönturíkinu og þá helst baunir, heilkorn,ferskt grænmeti, ávextir, hnetur og fræ. Það er sneitt hjá unnum matvörum t.d. sykruðum mjólkurvörum og kjöti.
Kjötneysla í lágmarki, t.d. tvisvar í mánuði, fiskur í litlum skömmtum og mjög lítið af mjólkurvörum. Egg 2-4 sinnum í viku.
Sykurneysla takmörkuð, notuð til hátiðabrigða.
Matsins notið í núvitund,borða hægt, leggja frá sér hnífapör milli bita, stærstu máltíðirnar fyrri hluta dags og léttari máltíð seinni partinn, ekki pakkfylla sig.
Náttúrute daglega annars bara drukkið vatn, kaffi og léttvín í hófi.

Líkamleg virkni.

Heilbrigðir lifnaðarhættir, ekki reykja og gæta hófs og samfélagið er samtaka í því.
Hreyfing og áreynsla er samofin daglegu lífi með því að ganga á milli staða, sinna garðrækt, nota frekar líkamlegt afl í heimilisstörfum og færri hjálpartæki, félagsleg hreyfing eins og dans.
Jafnvægi á líkamlegu álagi og hvíld. Ná niður streitu með reglulegri hvíld og bænum.

Sjá einnig: Hún ól barn 66 ára – Hvernig er lífið 15 árum seinna?

Félagsleg virkni

Taka þátt í samfélaginu með sjálfboðavinnu og samfélagslegri vinnu.
Áhersla á fjölskyldutengsl og rækta vini og ættingja, hittast oft og hafa fjölskyldu nærri.

Tilgangur

Geta skilgreint tilgang í lífinu sem felst oft í trúarræktun, viðhalda siðum og venjum. Hafa ástæðu til að fara á fætur á morgnana

Þetta eru siðir sem fólk hefur viðhaldið alla ævi og eru þeim eðlilegir og sjálfsagðir. Ef við viljum auka líkurnar á lengra og hraustara lífi getum við tamið okkur þessa siði, það er aldrei of seint.