Það er alltaf skemmtilegt þegar hægt er að gefa gömlum hlutum nýtt líf. Þannig má spara talsvert af peningum og húsgögnin fá að lifa aðeins lengur, sem er gott fyrir umhverfið.
Dundar sér við að gera upp gömul húsgögn heima
María Anna Guðmundsdóttir ákvað að taka gamlan sófa í gegn og leyfði okkur að birta myndir af umbreytingarferlinu. Hún segist hafa aflað sér upplýsinga á netinu og fengið leiðbeiningar í gegnum Pinterest og látið vaða!
„Ég byrjaði á því að þrífa sófann, ryksugaði og með blautri tusku. Svo blandaði ég einn textile medium á móti einni dós af málningu. Fyrst spreyjaði ég vatni með úðabrúsa til að bleyta efnið til að það dragi betur í sig svo byrjaði ég að mála. Ég notaði um það bil 2.5 lítra af málningu og þetta kostaði mig í apríl um 15.000 kr.“
María Anna segist hafa notað svamprúllu og farið alls fjórar umferðir yfir allan sófann þar sem hann var mynstraður. Hún telur að ekki þurfi jafn margar umferðir á einlita sófa. Nauðsynlegt er að fara yfir sófann með mjúkum sandpappír eftir að hann er orðinn alveg þurr.
„Þessi sófi er notaður alla daga og hefur verið það síðan hann var málaður í apríl. Hann er að sjálfsögðu aðeins stífari en hann var áður en ekki þannig að maður hugsi um það.“
Samkvæmt Maríu Önnu er liturinn pikkfastur og er ekki að smitast yfir á fötin. Sófinn góði hefur fengið alveg nýtt líf og það birtir til í stofunni eftir yfirhalninguna.
María Anna notaði þessa akrílmálningu
Akrílmálningunni var blandað saman við Textile Medium sem mýkir litinn
Svona leit sófinn út fyrir yfirhalningu
Hér er fyrstu umferð komið á sófann
Útkoman! Glæsilegur sófi sem prýðir stofuna vel
Á Bland.is finnurðu gott úrval af sófum í öllum stærðum og gerðum. Hér er beinn hlekkur á úrvalið!
