Hinn 41 árs gamli Jeremy Guthrie var stoppaður fyrir að keyra dólgslega á hraðbrautinni. Hann stígur út úr bílnum með opna buxnaklauf og það kemur í ljós að hann er með 6 krakka í bílnum á aldrinum 13-15 ára og er vel undir áhrifum þó hann vilji ekki viðurkenna það. Hann heldur því fram að börnin í bílnum séu bara vinir hans. Lögreglan spyr hvað stúlkan í bílnum sé gömul og Jeremy segir að hún sé 18 ára og lögreglumaðurinn svarar um hæl: „Þessi stúlka er ekki 18 ára!“
Eftir handtökuna kemur svo í ljós að Jeremy var kærður fyrir nokkrar nauðganir og hafði hann verið að misnota eina af stúlkunum frá því hún var 12 ára gömul. Hann fékk einnig á sig 6 kærur fyrir hegðun sína gagnvart börnunum í bílnum. Stúlkan sem hann hafði verið að misnota hafði meira að segja orðið ólétt en missti fóstur.
