Þetta glæsilega hús er á tveimur hæðum og sérinngangur er á báðum hæðum. Einnig fylgir tvöfaldur bílskúr eigninni.
Á aðalhæðinni er komið inn í forstofu með flísum og fataskáp. Þaðan er komið í alrými þar sem tengist opið eldhús, stofur með miklu útsýni til vesturs og hol þar sem lokað hefur verið fyrir stiga sem steyptur er milli hæða, en hann er ekki sjáanlegur af efri hæð.
Eldhúsið er með fallegri innréttingu með góðu skápaplássi og vinnuaðstöðu en inn af eldhúsi er þvottahús/búr.
Borðstofan er opin og liggur í beinu framhaldi af eldhúsi – út borðstofu og stofu eru gluggar með útsýni til vesturs yfir Mosfellsbæinn og Leirvogstunguna, og útgengi út á svalir. Stofan er með arni fyrir miðju rýminu sem skiptir stofu og borðstofurými.
Sjá einnig: Fallegt raðhús í Árbænum
Svefnherbergisgangur er tveimur þrepum neðar en stofan, með gluggum til vesturs og útgengi á svalir þar eru hjónaherbergi innst á gangi með skápum. 2 herbergi eru nú nýtt sem skrifstofur og bókaherbergi og baðherbergi. Baðherbergi er flíslagt með sturtuklefa og innréttingu, þar eru gluggar og opnanlegt fag.
Á neðri hæð er 156 fm íbúð og komið er inn í flísalagða forstofu og gang sem tengir önnur rými íbúðarinnar. Stofa og eldhús eru opin, úr borðstofu er gengið út á hellulagða og verönd (vestur). Inn af eldhúsi er stórt flísalagt herbergi (20 fm) sem nýtist sem fjölskyldu- vinnuherbergi. Baðherbergi er flísalagt með sturtuklefa. Hjónaherbergi er rúmgott með skápum og tvö barnaherbergi er einnig með skápum. Þvottahús með flísum, innréttingu og gluggum/opnanlegu fagi er næst forstofu.
Sjá einnig: Krúttleg lítil íbúð í miðborginni
Þriðja íbúðin hefur verið innréttuð í 45 fm rými undir bílskúrnum. Þar er sérinngangur, forstofa með fatahengi, opið rými með eldhús-aðstöðu innst og stofu fyrir framan, baðherbergi með flísum, sturtuklefa og nettri innréttingu og svefnrými/herbergi sem er að hluta til opið.
Bílskúr er tvöfaldur með vinnuaðstöðu og geymslulofti yfir rými að hluta. Fyrir framan bílskúr er hellulagt plan með hitabræðslu undir (ótengt eins og er) þá er hellulögð aðkoma meðfram húsinu beggja vegna og gott plan er fyrir aftan og meðfram húsinu í norður með hitalögn (tengd).
Nánari upplýsingar gefur Þóra Birgis. 777 2882 eða á thora@fastborg.is
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
