Það má vel vera að hún sé hætt að svífa fáklædd um sviðið fyrir Victoria´s Secret. Hún er samt ekkert farin í föt ennþá. Til hvers? Ég væri sennilega alltaf allsber ef ég liti út eins og Miranda. Eða að minnsta kosti í flestum tilvikum. Ég færi mögulega fullklædd í jólaboð. Kannski messur. Annars væri ég það bara alls ekki.
Ungfrú Kerr segir að matarræði sitt sé það sem kallast 80/20. Í 80% tilvika er það hreint. Í 20% tilvika snýst það um að leyfa sér það ljúfmeti sem lífið hefur upp á að bjóða. Ljúfmeti að hennar mati eru til dæmis glútenfríar og lífrænar bláberjamúffur. Mig skal ekki undra að við séum ekki áþekkar í vexti. Mitt ljúfmeti er 16″ Dominospizza, hálfur snakkpoki og Snickers. Matarræði mitt er einnig öfugt á við hennar. 80% ljúfmeti og 20% hollusta.
Myndirnar tala sínu máli. Ekkert Dominos. Bara hollustumúffur.
Tengdar greinar:
Húðflúraðar konur sýna allt! – Myndir
Kynþokkafyllstu konur heims skv. GQ magazine – myndir
Bondi Boys í þokkafullum sporum Miranda Kerr – Myndir
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
