Ungfrú Heimur 2014 hefur verið krýnd og sigurvegarinn er enginn önnur en Ungfrú Suður-Afríka, Rolene Strauss.
Rolene er 22 ára gömul og var krýnd á sviði í dag, sunnudaginn 14 desember, en keppnin fór fram í London í ár. Ungfrú heimur er á fjórða ári í læknisfræði og er dóttir læknis og hjúkrunarkonu, en hún lagði námsefnið til hliðar meðan á keppni stóð. Sjálf segir Rolene að það að nema læknisfræði samhliða þáttöku í Miss South Afrika – eða Ungfrú Suður-Afríka og síðar meir Ungfrú heimur hafi verið draumur hennar allt frá barnæsku.
Hér má sjá sjálfa krýninguna sem fram fór fyrr í dag í London:
122 stúlkur kepptu um titilinn í ár en keppendur komu jafnt fram í litríkum kvöldkjólum sem hverjum og einum var ætlað að þjóna sem landkynning og tóku jafnframt þátt í hópflutningi á ballöðunni You Raise Me Up sem Josh Groban gerði garðinn frægan með um árið.
.
Miss World var haldin að 64 sinni nú í ár og fór fram í London
Í öðru sæti hafnaði Ungfrú Ungverjaland, Edina Kulcsár, en Edina hafði áður borið sigur úr býtum í Fegurðarsamkeppni stúlkna sem hafa farið í lýtaaðgerð í Ungverjalandi. Eins undarlegt og það má hljóma, þá höfðu allir keppendur í fyrrgreindri fegurðarsamkeppni undirgengist lýtaaðgerðir og var keppninni ætlað að kynna á jákvæðan máta þann ávinning sem hljóta má af lýtaaðgerðum.
Í þriðja sæti hafnaði Elizabeth Safrit, frá Bandaríkjunum, sem keppti fyrir hönd Norður-Karólínu í Miss United States – eða Ungfrú Ameríka, fyrr á þessu ári. Elizabeth er með BA gráðu í stjórnmálafræði frá háskólanum í Suður-Karólínu og hefur dansað frá unga aldri.
Fulltrúi Íslands að þessu sinni var Tanja Ýr Ástþórsdóttir, sem var glæstur fulltrúi þjóðarinnar, en Tanja komst ekki í úrslit.
Tengdar greinar:
20 skvísur í fegurðarsamkeppni sem eru allar vægast sagt líkar
Miss Delawere (24) svipt titlinum sökum aldurs – Mynband
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
