Ég byrjaði snemma að baka og fór að skrifa niður uppskriftir þegar ég var 12 ára. Ég rakst á þessa múffuuppskrift þegar ég gramsaði í gamalli stílabók með uppskriftum í.
Þessar múffur voru mjög vinsælar öll mín unglingsár og tja hafa verið me í flestum ferðalögum og afmælum alla tíð síðan.
Uppskrift:
3 egg
2 bollar sykur
2,5 bollar hveiti
200 gr smjörlíki (brætt)
1/2 tesk salt
1 dós kaffijógurt
1 bolli súkkulaðispænir
1/2 tesk natron
1 tesk vanilludropar.
Aðferð:
Hræra saman egg og sykur þar til létt svo er restinni bætt útí, sett í múffuform og bakað við 190 gráður í 15 mín.
Gott að borða með góðum félagsskap.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
