Það er aragrúi af mótelum í Bandaríkjunum. Þetta er eitt af þeim og heitir einfaldlega The Clown Motel og er staðsett í Nevada eyðimörkinni.
Það er, eins og nafnið gefur til kynna, trúðaþema á þessu móteli og það fer ekkert á milli mála þegar maður kemur þarna inn að þemað er tekið alla leið.
Mótelið er staðsett á milli Reno og Las Vegas og er því mjög vinsæll viðkomustaður meðal ferðamanna og vörubílstjóra. En það er ekki hægt að segja annað en þetta sé mjög „krípí“ staður til að eyða nóttinni.
Það hjálpar ekki til að mótelið er við hliðina á kirkjugarði þar sem eru yfir 300 grafir.
Allir sem hvíla í kirkjugarðinum létust úr dularfullri farsótt sem herjaði á íbúa á þessu svæði og þurrkaði út flesta íbúa staðarins á árunum 1901 – 1911.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
