Milljónir manna horfðu á þáttaröðina „Making a Murderer“ á Netflix og hélt mál Steven Avery mörgum límdum við sjónvarpsskjáina. Fyrsta þáttaröðin kom út árið 2015 og nú er von á annarri þáttaröð.
Sjá einnig: 10 krúttlegir krakkar sem urðu að morðingjum
Kvikmyndagerðarkonurnar Moira Demos og Laura Ricciardi hafa haldið áfram að taka upp framvindu mála hjá Steven eftir að þættirnir komu út. „Málið er enn í gangi svo það munu koma nýir þættir fljótlega á þessu ári því sagan er enn að breytast. Við erum ekki komin með fasta dagsetningu en þeir munu koma,“ sagði Cindy Holland, framleiðandi hjá Netflix.
„Moira og Laura eru í Manitowoc og eru að taka allt upp og fylgjast með gangi mála. Það vita afar fáir hvað er í gangi með málið, hér innan veggja hjá Netflix, því við viljum halda þessu öllu leyndu þangað til þættirnir koma inn,“ sagði Cindy.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
