Árstíð stuttbuxna og sundfata er víst handan við hornið – leyfi ég mér að vona. Þá þykir víst smekklegra að vera með silkimjúka leggi – svona ef maður hyggur á það að spranga einhversstaðar um berleggja. Samkvæmt Susan Mayou, húðsjúkdómalækni á Cadogan Clinic í London, er hnetusmjör lykillinn að flauelsmjúkum fótleggjum. Susan segir þó nokkuð algengt að bæði konur og karlmenn kjósi að nota hnetusmjör í stað raksápu.
Sjá einnig: Kostir og gallar raksturs
Eftir að Mayou lét hafa þetta eftir sér hafa verið miklar umræður um málið á hinum ýmsu samfélagsmiðlum. Þá sérstaklega Twitter.
Samkvæmt umræðum sem átt hafa sér stað er hnetusmjörsrakstur mjög sóðalegur í framkvæmd. Eins getur verið erfitt að útskýra fyrir gestum og gangandi af hverju bæði þú og baðherbergið þitt lyktið eins og hnetusmjör.
Fólk virðist þó forvitið um málið og lætur eftir sér að prófa.
Sjá einnig: Guðdómleg hnetusmjörsparadís
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
